ການ​ເຂົ້າ​ເຖິງ​ການ​ສຶກ​ສາ​ທີ່​ບໍ່​ເທົ່າ​ທຽມ​ກັນ​ເປັນ​ສິ່ງ​ທ້າ​ທາຍ​ທີ່​ນັກວິໄຈ​ໄດ້​ສະແດງໃຫ້ເຫັນ ແມ່ຍິງຊົນເຜົ່າອາຄາ ມັກຈະເຫັນໂອກາດທາງດ້ານການສຶກສາທີ່ຈໍາກັດສໍາລັບແມ່ຍິງໃນຊຸມຊົນຂອງເຂົາເຈົ້າ ເຊີ່ງມັນມີອິດທິພົນຕໍ່ຄວາມສາມາດຂອງແມ່ຍິງ ໃນການເສື່ອມສານກັບວຽກງານການປັບຕົວຕໍ່ການປ່ຽນແປງສະພາບດິນຟ້າອາກາດ. ນັກວິໄຈຮ່ວມ ຫຼາຍຄົນໄດ້ເວົ້າເຖິງອັດຕາການບໍ່ຮູ້ໜັງສື ແລະ ຄວາມຮູ້ພາສາລາວທີ່ຈຳກັດຢູ່ໃນແມ່ຍິງອາຄາ ບາງຄົນໄດ້ກ່າວວ່າ ​ແມ່ຍິງ​ປະສົບ​ກັບ​ການ​ບໍ່​ຮູ້​ໜັງສື​ຍ້ອນ​ບໍ່​ມີ​ໂອກາດ​ໄປ​ໂຮງຮຽນ. ດັ່ງນັ້ນ, ແມ່ຍິງຈຶ່ງມີຄວາມຫຍຸ້ງຍາກໃນການເຂົ້າຮ່ວມກອງປະຊຸມໂຄງການພັດທະນາ ເນື່ອງຈາກເຂົາເຈົ້າບໍ່ສາມາດເວົ້າພາສາລາວໄດ້. ນອກຈາກນັ້ນ, ແມ່ຍິງເຫັນວ່າມັນຍາກທີ່ຈະມີສ່ວນຮ່ວມໃນວຽກງານການຕະຫຼາດທ້ອງຖິ່ນ ຫຼື ທັກສະອື່ນໆທີ່ຕ້ອງການການຮູ້ຫນັງສື ເນື່ອງຈາກການສຶກສາທີ່ຈໍາກັດຂອງພວກເຂົາ ບັນຫານີ້ແມ່ນມີຄວາມໝາຍສໍາຄັນ ເພາະແມ່ຍິງຖືວ່າວຽກງານເຫຼົ່ານີ້ເປັນກາລະໂອກາດໃນການປັບຕົວຕໍ່ການປ່ຽນແປງສະພາບດິນຟ້າອາກາດ ແລະ ການສ້າງຄວາມທົນທານຂອງພວກເຂົາ. ສະນັ້ນ ຖ້າແມ່ຍິງບໍ່ສາມາດເຂົ້າຮ່ວມໄດ້ ເຂົາເຈົ້າຈະບໍ່ສາມາດເຂົ້າຮ່ວມການຮັບມືກັບການປ່ຽນແປງສະພາບດິນຟ້າອາກາດ ຫຼື ປະກອບສ່ວນແກ້ໄຂຂອງຫຼາຍບັນຫາໃນລະດັບຊຸມຊົນໄດ້.