ໂຄງການ “ຮຽນຮູ້ເພື່ອອະນາຄົດ” ຫຼື “I4Future” ເປັນໂຄງການທີ່ມີເປົ້າໝາຍທີ່ໃນການພັດທະນາໄວໜຸ່ມ ໂດຍສະເພາະໃນກຸ່ມອາຍຸ 17-25 ປີ ຜ່ານການຝຶກອົບຮົບວິຊາຊີບເປັນເວລາ 9 ເດືອນແບບກິນນອນພັກເຊົ່າຢູ່ຮ່ວມກັນ ແລະ ບວກກັບຕິດຕາມພວກເຂົາເປັນເວລາ 1 ປີ ຫຼັງຈາກຝືກອົບຮົມ ເຊິ່ງເປັນການພັດທະນາໄວໜຸ່ມເພື່ອສ້າງຄວາມອາດສາມາດໃຫ້ແກ່ພວກເຂົາເພື່ອເສີມຂະຫຍາຍການຈ້າງງານ ແລະ ຮຽນຮູ້ການເປັນຜູ້ປະກອບການທຸລະກິດເພື່ອສັງຄົມ.

ເງື່ອນໄຂໃນການເຂົ້າຮ່ວມໂຄງການ

• ໄວໝຸ່ມທີ່ຮຽນຈົບ ມ7 ຫຼື ວ່າງງານ, ມີອາຍຸລະຫວ່າງ 17 – 25 ໃນທົ່ວປະເທດ;
• ສາມາດເຂົ້າຮ່ວມຝຶກອົບຮົມເປັນ ເວລາ 9 ເດືອນເຕັມ ຢູ່ນະຄອນຫຼວງວຽງຈັນ (ເດືອນ 2-10/2026) ໂດຍທີ່ເຮົາມີເງິນເບ້ຍລ້ຽງໃນແຕ່ລະເດືອນ ແລະ ຮັບຜິດຊອບຄ່າກິນ, ທີ່ພັກ ແລະ ຄ່າເດີນທາງໄປ – ກັບ;
• ມີຄວາມຮັບຜິດຊອບສູງ, ມີແນວຄິດສ້າງສັນ ແລະ ລິເລີ້ມ;
• ມີຄວາມອົດທົນສູງ, ມີຄວາມຕັ້ງໃຈໃນການພັດທະນາຕົນເອງ ແລະ ສາມາດຮັບແຮງກົດດັນໄດ້ ;
• ໄວໜຸ່ມທີ່ອາໄສໃນເຂດຊົນນະບົດ ແລະ ເຂດຫ່າງໄກສອກຫຼີກ ແມ່ຍິງ, ຜູ້ຊາຍ ແລະ ກຸ່ມຄົນຫຼາກຫຼາຍທາງເພດແມ່ນກຸ່ມເປົ້າໝາຍຫຼັກຂອງໂຄງການ.

ຫຼັກສູດ ແລະ ຫົວຂໍ້ການຮຽນຮູ້

ໃນໄລຍະການຮຽນຮູ້ແມ່ນແບ່ງອອກເປັນ 3 ໄລຍະຄື:

ໄລຍະການຮຽນຮູ້ເພື່ອໂຕເອງ (For Myself) :

• ການຮຽນຮູ້ຕົນເອງ ແລະ ຜູ້ອື່ນຜ່ານການເຮັດວຽກເປັນທີມ ແລະ ພາວະຜູ້ນຳ
• ສຸຂະພາບໄວຈະເລີນພັນ, ສຸຂະພາບສ່ວນບຸກຄົນ ແລະ ການປະຖົມພະຍານບານ
• ການບໍລິຫານເງິນສ່ວນບຸກຄົນ ແລະ ການລົງທຶນ
• ການນໍາໃຊ້ເຕັກໂນໂລຊີຂໍ້ມູນຂ່າວສານ ແລະ ການຮູ້ເທົ່າທັນສື່
• ການມີສ່ວນຮ່ວມ ແລະ ຄວາມຫຼາກຫຼາຍທາງເພດ