We-ACT

ໂຄງການ“ສ້າງຄວາມເຂັ້ມແຂງໃນຊຸມຊົນເພື່ອການປັບຕົວເຂົ້າກັບການປ່ຽນແປງດິນຟ້າອາກາດແບບມີສ່ວນຮ່ວມ” (We-ACT) ເປັນຄວາມພະຍາຍາມທີ່ເນັ້ນການສ້າງຂະບວນການຮ່ວມມື ແລະ ສົ່ງເສີມຄວາມສາມາດຂອງຊຸມຊົນ ໃນການຮັບມືກັບຄວາມທ້າທາຍຈາກການປ່ຽນແປງດິນຟ້າອາກາດ, ໂຄງການໄດ້ເນັ້ນໃສ່ການສຶກສາ ແລະ ສົ່ງເສີມພາວະຄວາມເປັນຜູ້ນຳຂອງແມ່ຍິງທ້ອງຖິ່ນໃນການນໍາພາຊຸມຊົນຢ່າງມີສ່ວນຮ່ວມໃນການປັບຕົວສູ້ກັບສະພາບ ດິນຟ້າອາກາດທີ່ປ່ຽນໄປ.

ບົດວິໄຈນີ້ໄດ້ຖືກດໍາເນີນໃນຮູບແບບການວິໄຈແບບມີສ່ວນຮ່ວມຂອງຊຸມຊົນໂດຍນໍາໃຊ້ເຄື່ອງມື “ສຽງຈາກຮູບພາບ” ເພື່ອເປີດໂອກາດ ໃຫ້ແມ່ຍິງໄດ້ສະທ້ອນມຸມມອງ, ປະສົບການ ແລະ ວິໄສທັດ ກັບສະພາບດິນຟ້າອາກາດ ຜ່ານຮູບພາບ ແລະ ການລໍາດັບຄວາມສໍາຄັນຂອງປັນຫາແລະຂໍ້ສະເໜີ ຈາກການລົງມືປະຕິບັດ. ຂະບວນການແບ່ງອອກເປັນ 3 ວົງຈອນ ເພື່ອຮ່ວມຄິດ ຮ່ວມປະຕິບັດ ແລະ ຮ່ວມປະເມີນຜົນ ໂດຍມີແມ່ຍິງໃນຊຸມຊົນເປັນໃຈກາງຂອງຂະບວນການ.

ຖ່າຍຮູບພາບໂດຍ

ບ້ານແສນຂັນຄຳໃໝ່ ເມືອງລອງ ແຂວງຫຼວງນ້ຳທາ ວັນທີ 23 ມິຖຸນາ 2024

ວົງຈອນທີ 1 ຊອກຫາບັນຫາປະຈຸບັນທີ່ສົ່ງຜົນກະທົບຕໍ່ນັກວິໄຈຮ່ວມໃນຊຸມຊົນ

ຄຳຖາມຂອງການວິໄຈແມ່ນ ແມ່ຍິງມີສ່ວນຮ່ວມໃນການພັດທະນາຊຸມຊົນໄດ້ແນວໃດ ແລະ ແມ່ນຫຍັງແມ່ນຜົນກະທົບທີ່ເຮັດໃຫ້ແມ່ຍິງບໍ່ສາມາດມີສ່ວນຮ່ວມໃນການພັດທະນາຊຸມຊົນໄດ້?

ຮູບທີ 1

ຊື່ຮູບພາບ: ອີຈູ໋-ນ້ຳ

“ຊາຍນີ້ຂັບລົດຈັກໄດ້ກະເລີຍເອົາຕຸກນ້ຳ ເອົາໃສ່ກະຕ່າລະກໍ່ຕັ້ງກັບໄປໄດ້ແຕ່ສະເພາະຜູ້ບາງຄົນເນາະບາງຄົນຂັບລົດບໍ່ໄດ້ເອົາໃສ່ກະເຊາະຕ້ອງໄດ້ເປ້ເມືອເຮືອນ”

ຮູບທີ 2

ຊື່ຮູບພາບ: ອາຫຼາ-ໝູ

“ຄັນລ້ຽງໝູຫຼາຍໆນີ້ມັນຈະດີຂື້ນເພາະວ່າຄັນລາວໝູໄວ້ຫຼາຍໆເຂົາມາຊື້ ຈັ່ງພັດທະນາໄດ້”

ຮູບທີ 3

ຊື່ຮູບພາບ: ຮາຄາ-ກະຕ່າ

“ອັນນີ້ແມ່ນສິ່ງທີ່ຜູ້ຍິງເຮັດບໍ່ໄດ້ມີແຕ່ຜູ້ຊາຍເຮັດໄດ້ ແຕ່ຄັນຮຽນນິຜູ້ຍິງກະເຮັດໄດ້ຄືກັນບໍ່ແມ່ນວ່າບໍ່ດີເຮັດ ແຕ່ວ່າອັນນີ້ສິດທິຜົວ ອັນສິດນິເນາະອັນຜູ້ຊາຍເປັນຜູ້ເຮັດຂື້ນມາ”