We-ACT

ໂຄງການ“ສ້າງຄວາມເຂັ້ມແຂງໃນຊຸມຊົນເພື່ອການປັບຕົວເຂົ້າກັບການປ່ຽນແປງດິນຟ້າອາກາດແບບມີສ່ວນຮ່ວມ” (We-ACT) ເປັນຄວາມພະຍາຍາມທີ່ເນັ້ນການສ້າງຂະບວນການຮ່ວມມື ແລະ ສົ່ງເສີມຄວາມສາມາດຂອງຊຸມຊົນ ໃນການຮັບມືກັບຄວາມທ້າທາຍຈາກການປ່ຽນແປງດິນຟ້າອາກາດ, ໂຄງການໄດ້ເນັ້ນໃສ່ການສຶກສາ ແລະ ສົ່ງເສີມພາວະຄວາມເປັນຜູ້ນຳຂອງແມ່ຍິງທ້ອງຖິ່ນໃນການນໍາພາຊຸມຊົນຢ່າງມີສ່ວນຮ່ວມໃນການປັບຕົວສູ້ກັບສະພາບ ດິນຟ້າອາກາດທີ່ປ່ຽນໄປ.

ບົດວິໄຈນີ້ໄດ້ຖືກດໍາເນີນໃນຮູບແບບການວິໄຈແບບມີສ່ວນຮ່ວມຂອງຊຸມຊົນໂດຍນໍາໃຊ້ເຄື່ອງມື “ສຽງຈາກຮູບພາບ” ເພື່ອເປີດໂອກາດ ໃຫ້ແມ່ຍິງໄດ້ສະທ້ອນມຸມມອງ, ປະສົບການ ແລະ ວິໄສທັດ ກັບສະພາບດິນຟ້າອາກາດ ຜ່ານຮູບພາບ ແລະ ການລໍາດັບຄວາມສໍາຄັນຂອງປັນຫາແລະຂໍ້ສະເໜີ ຈາກການລົງມືປະຕິບັດ. ຂະບວນການແບ່ງອອກເປັນ 3 ວົງຈອນ ເພື່ອຮ່ວມຄິດ ຮ່ວມປະຕິບັດ ແລະ ຮ່ວມປະເມີນຜົນ ໂດຍມີແມ່ຍິງໃນຊຸມຊົນເປັນໃຈກາງຂອງຂະບວນການ.

ຖ່າຍຮູບພາບໂດຍ

ສະຖານທີ່:

ບ້ານແສນຂັນຄຳໃໝ່ ເມືອງລອງ ແຂວງຫຼວງນ້ຳທາ

ວັນທີ 23 ມິຖຸນາ 2024

ວົງຈອນທີ 1 ຊອກຫາບັນຫາປະຈຸບັນທີ່ສົ່ງຜົນກະທົບຕໍ່ນັກວິໄຈຮ່ວມໃນຊຸມຊົນ

ຄຳຖາມຂອງການວິໄຈແມ່ນ ແມ່ຍິງມີສ່ວນຮ່ວມໃນການພັດທະນາຊຸມຊົນໄດ້ແນວໃດ ແລະ ແມ່ນຫຍັງແມ່ນຜົນກະທົບທີ່ເຮັດໃຫ້ແມ່ຍິງບໍ່ສາມາດມີສ່ວນຮ່ວມໃນການພັດທະນາຊຸມຊົນໄດ້?

ຮູບທີ 1 ສິ່ງທ້າທາຍ

ຊື່ຮູບພາບ: ນ້ຳກ໋ອກ

“ຄິດວ່າຄັນມີນ້ຳໃຊ້ພຽງພໍຢູ່ໃນບ້ານເຮົາຫັ້ນນະບ້ານເຮົາກະຊິກະຊິບ້ານສະອາດເນາະ ຄືຊິໄດ້ມີຫ້ອງນ້ຳໃຊ້ຫັ້ນ ບ້ານກໍຈະສະອາດຂື້ນ ລະກໍຊີວິດການເປັນຢູ່ຂອງຊາວບ້ານກໍຈະດີຂື້ນ”

ຮູບທີ 2 ສິ່ງທ້າທາຍ

ຊື່ຮູບພາບ: ສອງພັນ

“ຖ້າວ່າເຮົາມີເງິນຫັ້ນນະເຮົາສາມາດພັດທະນາຄອບຄົວໄດ້ພັດທະນາຊຸມຊົນກະໄດ້ ຍ້ອນເຮົາບໍ່ມີງົບເຮັດຫັຍງກໍ່ບໍ່ໄດ້”

ຮູບທີ 3 ໂອກາດ

ຊື່ຮູບພາບ: ເຫງີບາ-ເງິນ

“ຄິດວ່າລ້ຽງໝູລະດີພັດທະນາໃນຄອບຄົວຫຼາຍຂື້ນ ໂຕທຳອິດ ເຮົາເຮັດຮີດຄອງ ອັນທີສອງເຮົາຂ້າກິນເປັນອາຫານກະໄດ້ ອັນທີສາມມາເຮົາຂາຍເປັນສິນຄ້າກະໄດ້”

ຮູບທີ 4 ໂອກາດ

ຊື່ຮູບພາບ: ກືໂອ-ຕົ້ນໝາກມ່ວງ

“ອ່າສົມມຸດວ່າເຮົາປູກ ເຮົາປູກຕົ້ນໄມ້ຫຼາກຫຼາຍຊະນິດໄວ້ນໍ ຖ້າວ່າບໍ່ມີເງິນກໍ່ຢ່າ ແຕ່ວ່າເຮົາສາມາດປູກເອງກິນເອງໄດ້ເພື່ອໃຫ້ລູກຫຼານຫັ້ນອ່າກິນໝາກໄມ້ຄົບເນາະຄົບຕາມໝູ່”