We-ACT

ໂຄງການ“ສ້າງຄວາມເຂັ້ມແຂງໃນຊຸມຊົນເພື່ອການປັບຕົວເຂົ້າກັບການປ່ຽນແປງດິນຟ້າອາກາດແບບມີສ່ວນຮ່ວມ” (We-ACT) ເປັນຄວາມພະຍາຍາມທີ່ເນັ້ນການສ້າງຂະບວນການຮ່ວມມື ແລະ ສົ່ງເສີມຄວາມສາມາດຂອງຊຸມຊົນ ໃນການຮັບມືກັບຄວາມທ້າທາຍຈາກການປ່ຽນແປງດິນຟ້າອາກາດ, ໂຄງການໄດ້ເນັ້ນໃສ່ການສຶກສາ ແລະ ສົ່ງເສີມພາວະຄວາມເປັນຜູ້ນຳຂອງແມ່ຍິງທ້ອງຖິ່ນໃນການນໍາພາຊຸມຊົນຢ່າງມີສ່ວນຮ່ວມໃນການປັບຕົວສູ້ກັບສະພາບ ດິນຟ້າອາກາດທີ່ປ່ຽນໄປ.

ບົດວິໄຈນີ້ໄດ້ຖືກດໍາເນີນໃນຮູບແບບການວິໄຈແບບມີສ່ວນຮ່ວມຂອງຊຸມຊົນໂດຍນໍາໃຊ້ເຄື່ອງມື “ສຽງຈາກຮູບພາບ” ເພື່ອເປີດໂອກາດ ໃຫ້ແມ່ຍິງໄດ້ສະທ້ອນມຸມມອງ, ປະສົບການ ແລະ ວິໄສທັດ ກັບສະພາບດິນຟ້າອາກາດ ຜ່ານຮູບພາບ ແລະ ການລໍາດັບຄວາມສໍາຄັນຂອງປັນຫາແລະຂໍ້ສະເໜີ ຈາກການລົງມືປະຕິບັດ. ຂະບວນການແບ່ງອອກເປັນ 3 ວົງຈອນ ເພື່ອຮ່ວມຄິດ ຮ່ວມປະຕິບັດ ແລະ ຮ່ວມປະເມີນຜົນ ໂດຍມີແມ່ຍິງໃນຊຸມຊົນເປັນໃຈກາງຂອງຂະບວນການ.

ຖ່າຍຮູບພາບໂດຍ

ສະຖານທີ່:

ບ້ານຈອມໝອກ ເມືອງລອງ ແຂວງຫຼວງນ້ຳທາ

ວັນທີ 21 ມິຖຸນາ 2024

ວົງຈອນທີ 1 ຊອກຫາບັນຫາປະຈຸບັນທີ່ສົ່ງຜົນກະທົບຕໍ່ນັກວິໄຈຮ່ວມໃນຊຸມຊົນ

ຄຳຖາມຂອງການວິໄຈແມ່ນ ແມ່ຍິງມີສ່ວນຮ່ວມໃນການພັດທະນາຊຸມຊົນໄດ້ແນວໃດ ແລະ ແມ່ນຫຍັງແມ່ນຜົນກະທົບທີ່ເຮັດໃຫ້ແມ່ຍິງບໍ່ສາມາດມີສ່ວນຮ່ວມໃນການພັດທະນາຊຸມຊົນໄດ້?

ຮູບທີ 1 ສິ່ງທ້າທາຍ

ຊື່ຮູບພາບ: ໂຮງຮຽນເປ່ເພ

“ພວກເຮົາເຫັນວ່າມັນບໍ່ງາມ, ບໍ່ໝັ້ນຄົງ ແລ້ວຢາກໃຫ້ລູກໄດ້ຮຽນຢູ່ໂຮງຮຽນດີໆ ແລະ ມີໂຮງຮຽນ ໝັ້ນຄົງ”

ຮູບທີ 2 ສິ່ງທ້າທາຍ

ຊື່ຮູບພາບ: ຂີ້ເຫຍື້ອຢູ່ໃນແມ່ນ້ຳ

“ມັນເປື້ອນ ຖ້າເຮົາຖິ້ມຂີ້ເຫຍື້ອ ຫລື ກ່ອງຢາຂ້າຫຍ້າລົງໃສ່ໃນແມ່ນ້ຳມັນກໍຈະເຮັດໃຫ້ສັດນ້ຳຕາຍ ຄົນເຮົາກໍຈະບໍ່ໄດ້ກິນ”

ຮູບທີ 3 ໂອກາດ

ຊື່ຮູບພາບ: ຮູບດິນ

“ຢາກໃຫ້ເຮັດໃສ່ຢູ່ທີ່ດິນເພາະວ່າທີ່ດິນຍັງມີຫຼາຍ, ເຮົາຄຸດຂຸມຍັງໄດ້ແຕ່ຕອນນີ້ຍັງບໍ່ມີໃຜຄຸດເທື່ອ. ເຮົາຄິດວ່າຜູ້ໃດກໍຄຸດໄດ້ເພາະວ່າຕ່າງຄົນກໍມີເນື້ອທີ່ດິນຫຼາຍຢູ່”

ຮູບທີ 4 ໂອກາດ

ຊື່ຮູບພາບ: ສິ່ງທີ່ເປິເປື້ອນ

“ເຫັນວ່າມັນເປື້ອນແລ້ວຢາກໃຫ້ທຳຄວາມສະອາດ ຖ້າວ່າມັນເປື້ອນແບບນີ້, ມັນກໍຈະມີໂຕຍຸງ, ແມງວັນຫຼາຍຖ້າເປັນແບບນີ້ມັນກໍຈະໄປຕອມອາຫານເລີຍເຮັດໃຫ້ອາຫານຂອງເຮົາບໍ່ສະອາດ ແລ້ວເຮັດໃຫ້ເຮົາບໍ່ສະບາຍ, ເຈັບໄຂ້ໄດ້ປ່ວຍ”